One bus wey carry pipo for wedding celebration fall inside river for northern Nigeria, kill at least 19 women and chidren dem wey dey among di passengers, na wetin one union official and some residents talk on Sunday.
Di driver park di bus for one bridge wey don partly collapse on Saturday evening, but di bus roll back enter di river, na wetin Abubakar Muhammed, one official for NURTW transport union, yarn give AFP.
Di bus dey among di wedding convoy wey dey escort di bride go her new husband house, but e crash near one village wey dem dey call Fass for Zamfara state. Di official talk say e fit be say di driver forget to use di hand brake.
Di bus bin dey head go Jega for Kebbi state wey dey near Zamfara. Di residents for Fass confirm say na women and pikin dem die for di accident.
