UEFA don change dia mind say dem no go comot Israel from European football. Di reason na because di US President, Donald Trump, don announce peace plan for Gaza, na wetin Guardian talk.

Dem bin dey expect say UEFA go do emergency meeting dis week to vote on top Israel status. Di pressure dey come from national federations, public campaigns, and even UN representatives. After one report wey accuse Israel of genocide for Gaza, countries dey push make dem comot Tel Aviv from competitions.

But as Trump present him plan for White House with Israel Prime Minister, Benjamin Netanyahu, di matter change, na wetin di newspaper talk.

Sources talk say UEFA feel say e no make sense to take one-sided action when international diplomatic efforts dey go on. Di federations wey bin dey support di ban gree make dem pause di matter for now — but di option to ban Israel still dey ground. If di negotiations no work, UEFA fit still revisit di matter, di paper tok.

Trump sef don warn say Hamas get "three to four days" to accept di proposal.

Calls for sanctions against Israel don increase since September. One group of diplomats don write UEFA and FIFA make dem comot Israel, and activists don put billboard for Times Square, New York, wey carry slogan "Game Over Israel," dey call for boycott of matches with Israeli teams. Before now, UEFA never confirm officially say dem dey plan vote, but media reports talk say plans don dey ground.

For now, Israeli clubs still dey play. On October 2, "Maccabi" (Tel Aviv) go play "Dinamo" Zagreb for Europa League. Di Israel national team go face Norway on October 11 and Italy three days later for World Cup qualifiers.

Whether UEFA go revisit di matter of disqualification, e go depend on how Trump initiative go end.