Di release of Israeli people wey dem hold for Gaza go start by 8 a.m. (0500 GMT) from Netzarim corridor, and e go continue by 10 a.m. for Gaza Khan Younis, na wetin Israeli media tok.

Israel pipo don ready on Monday to welcome di last 20 living captives wey dey come back from di wahala for Gaza, as part of di key exchange for di ceasefire wey dem agree after two years of Tel Aviv war for di Palestinian area.

For di other side, Palestinians dey wait make dem release hundreds of dia people wey Israel dey hold.

Dis tori dey happen just few hours before di peace summit for Gaza ceasefire wey go happen for Egypt town wey dem dey call Sharm el-Sheikh. Di summit go dey co-chair by US President Donald Trump and Egyptian President Abdel Fattah el Sisi.

More than 20 world leaders go attend di summit, including Turkish President Recep Tayyip Erdogan, French President Emmanuel Macron, Jordan King Abdullah II, Bahraini King Hamad bin Isa Al Khalifa, British Prime Minister Keir Starmer, Spanish Prime Minister Pedro Sanchez, Italian Prime Minister Giorgia Meloni, Pakistani Prime Minister Shehbaz Sharif, and German Chancellor Friedrich Merz.

Egypt tok say di summit aim na “to end di war for Gaza Strip, make dem push efforts to bring peace and stability for Middle East, and start new level of security and stability for di region.”